ලොව පැරණිතම හෙළ තිපිටකය නැවත එලි දැක්වීම

ක්‍රිස්තු පූර්ව පළමු වන සිය වසේදී,  රහතුන් වහන්සේලා විසින් හෙළ දිවේදී ලොව මුල් වරට ග්‍රන්ථාරූඩ කරන ලද ත්‍රිපිටකය යටත් විජිත පාලන සමයේදී එවකට මෙම රටේ සිටි බ්‍රිතාන්‍ය රාජ්‍ය නිලධාරීන් විසින් ලංකාවේ විහාරස්ථානවලින් සොයාගෙන ඒවා බ්‍රිතාන්‍යට ගෙන ගොස් ඇත. ඒවා දැනට බ්‍රිතානයේ ලන්ඩන් නුවර පිහිටා ඇති බ්‍රිතාන්‍ය පුස්තකාලයේ ඒවායින් කොටසක් තබා ඇත. එය රන්පත්, රිදී පත්, තබ පත් සහ පුස්කොල පොත් වශයෙන් ඇත. එම බ්‍රිතානයේ ලන්ඩන් නුවර පිහිටා ඇති බ්‍රිතාන්‍ය පුස්තකාලයේ දැනට තබා ඇති සිංහල භාෂාවෙන් රන්, රිදී, තබ පත් සහ පුස්කොල මත ලියා ඇති එම ත්‍රිපිටක ධර්ම පොත් එවකට සබරගමුව පළාත භාරව සිටි  බ්‍රිතාන්‍ය ජාතික දිසාපති වරයා වූ George Turnour මහතා විසින්, කෑගල්ලේ මාතුල අළු ලෙන රජමහා විහාරයේ තිබීද (අද අත්තනගොඩ) සහ එවැනිම තවත් බ්‍රිතාන්‍ය රාජ්‍ය නිලධාරියකු වූ Hugh Neville මහතා විසින් ශ්‍රී ලංකාවේ වෙනත් විහාරස්ථානවල තිබු තිපිටක පොත් ඇතුළු තවත් වටිනා පුස්කොල පොත්  බ්‍රිතාන්‍යට ගෙනගොස් ඇත.

අප, අරියකම්මට්ටාන සංවිධානයේ නිර්මාතෘවරු වන අරියමග්ග ස්වාමින්වහන්සේ සහ එහි විධායක සභික එස්. රටේරාළ මහත්මිය විසින් කරන ලද දීර්ඝ ගවේෂණයකින් පසුව අපට ඒ සියලුම තිපිටක පොත් සහ අනෙකුත් වටිනා පුස්කොල පොත්, රන්පත්, රිදිපත් සහ තඹ පත් සොයා ගන්නට ලැබි ඇත. එම පොත්  සියලුම සුත්‍ර, අභිධර්ම, විනය පිටක සහ අනෙකුත් සියලු පැරණි හෙළ අටුවා වලින් සමන්විත වේ. තවද වෙනත් වටිනා වෙද සහ වෙනත් පැරණි තාක්‍ෂණ ක්‍රම සදහන් වන විශාල පොත් ප්‍රමාණයක් බ්‍රිතානයේ ලන්ඩන් නුවර බ්‍රිතාන්‍ය පුස්තකාලයේ, ඩෙන්මාර්කයේ  කොපෙන්හේගන් නුවර පුස්තකාලයේ සහ ප්‍රංසයේ පැරිස් පුස්තකාලයේ තිබී සොයාගෙන ඇත. එම ඓතිහාසික හෙළ පුස්කොල, රන්, රිදී සහ තබ පත් පොත් දහස් ගනනක් ඇති අතර ඒවා, UNESCO ආයතනයේ අධාරත් ඇතිව හොදින් වර්ගීකරණය කර නාමාවලී ද සකස් කර ඇත. එම නාමාවලි වලින් ත්‍රිපිටක ධර්මය ඇති නමා වලි  5ක් ඇත. දැනට අප විසින් එම සියලුම නමාවලී වල සහතික පිටපතක් ලබා ගෙන ඇති අතර අපගේ අරියමග්ග ස්වාමින් වහන්සේ සහ අනෙකුත් නියෝජිතවරුන් දැනට බ්‍රිතාන්‍ය පුස්තකාල පාලන අධිකාරිය සමග එම පොත් ලබාගැනීම සදහා සකච්චා කොට ඇත. එම පොත් දැනට බ්‍රිතාන්‍යයේ ජාතික උරුමයක් ලෙස එම රජය සලකන බැවින් ඒවායේ මුල් පොත් අපට ආපසු ලබා දෙන්නේ නැත. එහෙත් අප විසින් දැන් කරන ලද ඉල්ලීම සලකා, එම පුස්තකාල අධිකාරිය විසින් එම පොත්වල ඩිජිටල් පිටපතක් එම පිටපත් කිරීමේ ගාස්තුව අප විසින් ගෙවීමේ පදනම මත අපට ලබා දීමට අප සමග එකග වී ඇත.

(එසේ වුවත්, දැනට ලංකාවේ භාවිතා කරන බුද්ධ ජයන්ති තිපිටකය ලංකවේ ප්‍රසිද්ධ කිරීමට පෙර එනම් 1954 වසරේදී ඉහත තිපිටක පොත් ලංකාවට ආපසු ලබා දෙන ලෙස එවකට ශ්‍රී ලංකාවේ අග්‍රාමාත්‍ය වරයා ව සිටි සර් ජෝන් කොතලවල මහතා විසින් රාජ්‍ය තාන්ත්‍රික මට්ටමින් ඉල්ලීමක් කර ඇතත්, ඒවා ලබා දීමට එවකට සිටි බ්‍රිතාන්‍ය බලධාරීන් ප්‍රතික්ෂේප කර ඇත).

දැනට ලංකාවේ භාවිතා කරන බුද්ධ ජයන්ති තිපිටකය බුරුමයේදී ක්‍රිස්තු වර්ෂ 1871 දී, බුරුමයේ (Myanmar) මණ්ඩලේ (Mandaly) නගරයේ පස්වෙනි (5) සංගායනාවන් සහ ඉන් පසුව ක්‍රිස්තු වර්ෂ 1954 දී බුරුමයේ රැන්ගුන් (yangon) නුවරදී පැවති නැවත හය (6) වන ධර්ම සංගායනාව පවත්වා නැවත වරක් සංස්කරණය කර එය චත්ත සංගායනා (Chatha Sangayana) ත්‍රිපිටකය ලෙස නම් කෙරුණ තිපිටකයේ ඇසුරෙන් සම්පාදනය කරන ලද ප්‍රකාශනයකි. මෙම සංගායනා වලින් කිහිප වරක් සංස්කරණය වී ඇති දැනට භාවිතා කරන තිපිටක ධම්මය, හින්දු, ජෛන මහායාන, වෙනත් බුරුම සහ තායිලන්ත විශ්වාස සහ ඇදහිලි වලින් විකුර්ති  වී ඇති බවක් අප විසින් කරන ලද පර්යේෂණ වලින් දැනගන්නට ලැබී ඇත.

අප විසින් බ්‍රිතාන්‍යයේ තිබී දැන් සොයාගෙන ඇති හෙළ තිපිටකය පුස්කොල පොත් සහ රන් හා තබ පත් වල ලියා ඇති අතර එය දැනට ලෝකයේ ඇති පැරණිම තිපිටක ප්‍රකාශනයේ එනම් ක්‍රිස්තු පුර්ව කාලයේ මාතුළ අළු ලෙනදී ග්‍රන්ථාරූඩ කරන ලද ලොව පැරණිම තිපිටකයේ පිටපතකි. මෙම පුස්කොල පොත් ලොව ඇති එකම පැරණිතම හෙළ තිපිටක පිටපත් වන අතර දැනට එය දිරාපත් වෙමින් පවතී. මෙම පොත් දිරාපත් වී විනාශ වුවහොත් හෙළ අරහතුන් වහන්සේලා විසින් ග්‍රන්ථාරූඩ කරන ලද ලොව පැරණිම තිපිටක පිටපත සහ පැරණි හෙළ අටුවා සදහටම ලොවට අහිමි වෙනු ඇත. ගොතම බුදු හිමියන් අපට දේශනා කල පිරිසිදු නිවන් මග අපෙන් සදහටම ගිලිහෙනු  ඇත. නැවත පිරිසිදු නිවන් මග ගැන දැනගන්නට මෙතේ බුදුන් ඉපදෙන තුරු සිටින්නට වෙනු ඇත.

එබැවින් කෙසේ හෝ මේ තිපිටකයේ ඩිජිටල් පිටපතක් ගෙන එය නැවත මුද්‍රණය කර, ලොව පැරණිම බුද්ධ ධම්ම පොත් කාණ්ඩය අරක්ෂා කර තැබීම අපේ අරමුනයි. මේවා ලබාගැනීම  සදහා අවශ්‍ය කරන අධිකරණ ක්‍රියාමාර්ග ගැනීමට අපගේ නිතිඥයන් විසින් මෙවන විටත් කටයුතු කරමින් සිටි.